Denisa Canameti / Shendeti.com.al
Mungesa e ministrit të Shëndetësisë, Ilir Beqaj, në Komisionin Parlamentar të Shëndetësisë është shoqëruar me debate të ashpra mes deputetëve të mazhorancës dhe opozitës.
“Ministri është thirrur vetëm 1 ditë më parë”, janë shprehur deputetët e partisë socialiste.
Eduart Bejko, deputet i partisë socialiste e ka konsideruar thirrjen si arbitrare si dhe ka shpjeguar se ministri ka arsye objektive që nuk ka ardhur në kuvend. “
Ka arsye objektive ministri që nuk është prezent. Të ballafaqohemi në një moment tjetër”, u shpreh Eduard Bejko.
Deputetja Klodiana Spahiu gjithashtu ka replikuar duke u shprehur se asnjë ministër shëndetësie nuk vjen në komision brenda 24 orëve.
Por, Vokshi insistoi se Beqaj është thirrur në Komision ditën e hënë. Debati ka vazhduar me tone shumë të ashpra.
Spahiu ka akuzuar gjithashtu Vokshin se po bën një krim, kur këmbëngul për mosrealizimin e chec-up-it. “Ti po bën një krim. Je e vetmja që po kundërshton check-up-in. Do të mbash përgjegjësi për këtë”, është shprehur Spahiu.
Deputetja e Lezhës, Albina Deda bëri me dije disa të dhëna për qarkun e Lezhës. Ku sipas saj, vetëm 30% e njerëzve e kanë bërë check-up-in. Kjo tha Deda është tregues i qartë i dështimit të këtij projekti./ https://shendeti.com.al/
