Përshëndetje! Kam 2-3 vjet që kam kruarje të zorrës së trashë në dalje, dhe këto kruarje i kam më tepër natën, kur bie të fle në krevat dhe disa herë kur dal jashtë kam dalje gjaku. Doja të dija se çfarë duhet të përdor? Dua të theksoj se im atë ka vuajtur nga e njëjta sëmundje dhe është operuar para 15 vitesh, sepse kishte dhimbje dhe kapsllëk.
Ndrek Marku
Për shqetësimin tuaj kemi pyetur mjeken pastro-hepatologe Edlira Ibra:
“Së pari do t’ju rekomandoja që të bëni sa më parë te mjeku specialist, sepse në letër nuk keni sqaruar disa detaje shumë të rëndësishëm si p.sh nëse prekni noduj të majasëllit në pjesën e jashtme të zorrës. Un mund t’ju rekomandojë vetëm rrugën që duhet të ndiqni dhe ku duhet të shkoni. Kështu sa më parë duhet të bëni një analizë për parazitozë, sepse kruarjet që ankoni ju, mund të shkaktohen nga parazitë. Do t;ju rekomandoja dhe një vizitë te mjeku protolog, i cili mund të ekzaminojë 8-10 cm e fundit të zorrës së trashë dhe të arrijë të japë një diagnozë më të saktë të problemit tuaj”.
