Denisa Canameti / Shendeti.com.al
Laborantët e Qendrës Spitalore Universitare “Nënë Tereza” dhe të spitaleve të gjitha rretheve janë ngritur sot në protestë kundër koncesionit të laboratorëve. Laborantët kanë dalë kundër Ministrisë së Shëndetësisë për dhënien me koncesion të shërbimit laboratorik publik.
Sipas një shkrese që thuhet se e kanë marrë nga ministri Beqaj, pretendohet se koncesioni do t’i kalojë të gjithë privatit dhe nuk është i sigurt vendi i tyre i punës. Sipas laborantëve, dhënia me koncesion do të sjellë largimin e tyre nga puna, monopolizimin e tregut dhe largimin e një shërbimi klinik tepër të rëndësishëm për spitalet.
Ndërkohë, sipas burimeve të brendshme, gazeta “Shëndet+” mëson se në Durrës kanë nisur kërcënimet nga ana e drejtorit të Spitalit, i cili ka mbajtur një procesverbal të gjithë laborantëve brenda spitalit.
