Një infermiere në QSUT ka tentuar t’i japë fund jetës, duke pirë një dozë të madhe ilaçesh. Shkak thuhet se është bërë një urdhër i dhënë nga drejtuesit e QSUT-së për transferimin e saj nga pavioni i Kirurgjisë tek Djegie-Plastike.
Ngjarja ka ndodhur dy ditë më parë. E reja me inicialet A.P ka tentuar vetëvrasjen në shtëpi, duke pirë një dozë të madhe ilaçesh. Infermierja është sjellë me urgjencë në QSUT, dhe prej dy ditësh ka qenë në gjendje kome në reanimacionin e këtij spitali.
Tani ajo ka dalë nga koma, megjithatë gjendja e saj vazhdon të jetë e rënduar.
