Digjet makina e një mjeku radiolog në Vlorë. Në orët e para të ditës së sotme, makina e mjekut Egli Veliu është shkrumbuar.
Nga hetimet e para mësohet se mjeti “Opel Vectra” që i përket mjekut ka shpërthyer në flakë, ndërkohë që policia dyshon për shkaqe aksidentale. Djegia e makinës mësohet se ka ndodhur rreth orës 02:15 minuta të mëngjesit, në lagjen “15 tetori”.
Vetëm pak ditë më parë mjeku radiolog denoncoi në emisionin investigativ “Stop” mosfunksionimin e mamografisë.
Njoftimi i policisë
Në orët e para të mëngjesit të sotëm, është përfshirë nga flakët në lagjen “15 Tetori” automjeti tip Opel me targë AA 851 JN, në pronësi të shtetasit E.V., 33 vjeç. Për pasojë pjesa më e madhe e mjetit është dëmtuar. Dyshohet se mjeti është përfshirë nga flakët për shkaqe aksidentale. Grupi hetimor po kryen veprimet e mëtejshme për sqarimin e rrethanave të ngjarjes.
