Jam një djalë 23 vjeç dhe dua të marr më tepër informacion rreth mykut në lëkurë. Doja të dija se çfarë rekomandohet në këto raste?
SONI
Për shqetësimin tuaj kemi pyetur mjeken dermatologe Suzana Hoxha:
“Së pari do t’ju rekomandoja që para se të ndërmerrni çdo lloj vetëmjekimi, të konsultoheni me një mjek specialist. Gjithësesi mund t’ju them se në trajtimin e mykut rekomandohen kremra antimykotik, të cilin duhet të përdorni për të paktën dy javë. Përveç kremit, këshillohet të përdorni dhe detergjentë (shampo) me bazë substancash anti mykotike, të cilët duhet të përdoren për periudha të gjata. Përveç kësaj, gjatë verës, që është periudha e plazhit, rekomandohet higjenë maksimale dhe konsulta të vazhdueshme me mjekun specialist, sepse gjatë kësaj periudhe kemi rishfaqje të simptomave të sëmundjes”.
