Përshtati në shqip: Blertina Koka
Nëna me siguri ju ka thënë që të pini qumësht çdo ditë për forcimin e kockave. Kemi një lajm të mirë nëse keni ndjekur këshillën e saj.
Sipas një studimi të kryer nga Universiteti i Harvardit, konsumimi i produkteve të qumështit të paktën dy herë në ditë ul shanset që të bëheni obezë.
Hulumtuesit shkencorë analizuan dietat e më shumë se 7000 personave, dhe zbuluan se njerëzit që konsumonin produkte të qumështit kishin indeks më të ulët të masës trupore, sidomos pjesëmarrësit në studim që pinin qumësht të paktën dy herë në ditë kishin 37% më pak gjasa të bëheshin obezë se ata që e konsumonin më rrallë.
Qumështi, në veçanti, kishte një ndikim të rëndësishëm në madhësinë e belit të njerëzve: Konsumuesit e rregullt të qumështit kishin më pak gjasa të bëheshin obezë – një lidhje që vlen vetëm për gratë.
Kujdes: përfitimi është vetëm nëse qumështi përmban më pak se 3.4% yndyrë.
Burimi: Women’s Health / Shendeti.com.al
