51 farmacistë do t’i nënshtrohen një testimi më 19 prill për të fituar të drejtën e ushtrimit të profesionit.
Agjencia Kombëtare e Provimit ka publikuar listën e plotë me 51 aplikantët që do të hyjnë në provimin e shtetit.
Bashkëngjitur emrit kandidatët kanë edhe datën dhe orën e testimit (më 19 prill, ora 09:00).
Provimi do të zhvillohet në godinën e Agjencisë Kombëtare të Provimeve ( Adresa: Rruga “Naim Frashëri”, Nr. 37, Tiranë).
Kandidati duhet të paraqitet në AKP 30 minuta para fillimit të provimit të shtetit.
Ditën e provimit kandidati duhet të jetë i pajisur me: letërnjoftim, kopje të Kartës ID ose Pasaportë, faturën e pagesës së tarifës së provimit të shtetit për llogari të AKP në një bankë të nivelit të dytë/postë (sipas faturës për arkëtim të publikuar në faqen zyrtare të AKP) sipas herës së pjesëmarrjes dhe në rast ndryshimi të mbiemrit, kandidati të paraqesë certifikatën përkatëse që vërteton këtë ndryshim.
Për paraqitjen në qendrat e provimit kandidati duhet të ketë parasysh rregullat e mëposhtme:
- ndalohet marrja me vete dhe përdorimi i celularëve dhe mjeteve të tjera të komunikimit gjatë zhvillimit të provimit, pasi kjo vlerësohet si kriter s ‘kualifikimi;
- ndalohet duhani, dhe konsumimi i ushqimit në mjediset e provimit;
- ndalohet komunikimi gjatë zhvillimit të provimit./ Shendeti.com.al
Më poshtë mund të gjeni listën e plotë të kandidatëve që do t’i nënshtrohen sesionin e veçantë Farmaci, Prill 2017.
