Blertina Koka
Publikohet lista e kandidatëve për 4 profilet e tjera mjekësore, përkatësisht fizioterapisë, infermierisë, mamisë dhe logopedisë, që do t’i nënshtrohen provimit gjatë këtij muaji.
Për shkak të numrit të lartë të kandidatëve, gjysma e dytë e muajit maj është përcaktuar vetëm për profesionin e infermierit, përkatësisht nga data 16-31 maj. Në total janë 234 fizioterapistë, 41 logopedistë, 365 mami dhe 2092 infermier.
Bashkëngjitur emrit kandidatët kanë edhe datën dhe orën e testimit.
Provimi i shtetit do të zhvillohet në godinën e Agjencisë Kombëtare të Provimeve (më poshtë AKP) me adresë: Rruga: “Naim Frashëri”, Nr. 37, Tiranë.
Vetëm kandidatët që kanë arritur të përfundojnë programin përkatës të akredituar të studimit dhe/ose kualifikime profesionale në atë profesion kanë të drejtë të japin provimin e shtetit në muajin maj 2017, për të fituar licencën profesionale në një nga specialitetet e përcaktuara mjekësore.
Kandidatët duhet të jenë të pajisur me letërnjoftim (Kartë ID ose Pasaportë) në mënyrë që të lejohen të marrin pjesë në provim. Ata duhet të paraqiten në AKP 30 minuta para fillimit të provimit të shtetit.
Të gjithë kandidatët për infermieri, mami, logopedi dhe fizioterapi mund të verifikojnë emrin, atësinë, mbiemrin, si dhe datën dhe orën e provimit në lidhjet bashkëngjitur tek gazeta Shëndeti.
Lista e kandidatëve, Mami, maj 2017
Lista e kandidatëve, Fizioterapi, maj 2017
Lista e kandidatëve, Logopedi, maj 2017
Lista e kandidatëve, Infermieri, maj 2017
