Rreth 26 ton mish pule të rezultuara me prezencë të salmonellaspp dhe të ardhura nga Brazili janë bllokuar në pikën kufitare të Durrësit.
Ngarkesa me mish pule me origjinë nga Brazili, e importuar nga njw kompani private, mbërriti në Shqipëri më datë 3 maj 2017. Nga kjo ngarkesë e bllokuar u morën mostra për t’u analizuar pranë ISUV.
Rezultatet e dala më 10 maj ka nxjerrë se mishi i pulës ka prezencë të salmonellaspp. Autoriteti Kombëtar i Ushqimit informon se sasia e ngarkesës me mish pule, vijon të qëndrojë e bllokuar në Pikën kufitare të Durrësit, për procedura të mëtejshme.
