Përgjigjet Entela Dhima, mjeke dermatologe pranë Poliklinikës së Specialiteteve nr.2 në kryeqytet
Ka shumë faktorë që ndikojnë në skuqjen e fytyrës. Mund të jetë një skuqje për shkaqe emocionale nga ekspozimi i gjatë në diell, për shkaqe patologjike, mund të jetë fillimi i një dermatiti seborraeik, fillimi i një akne rozacea, fillimi i një lupusi etj.
Secila ka specifikat e veta, po ashtu edhe trajtimi është shumë specifik. Ne duhet të shohim fillimisht historinë, sa kohë ka ky pacient me këtë problem, nëse është patologji e qëndrueshme, çfarë forme ka skuqja, nëse përfshin gjithë fytyrën apo është e shtrirë vetëm në pjesën nazolabiale, nësë ka kruarje, skuma etj. Lloji i eritemës, diagnoza dhe mjekimi jepen vetëm pasi pacienti vlerësohet nga mjeku specialist./ Shendeti.com.al
