Përshtati në shqip: Blertina Koka
Dhimbjet e gjymtyrëve nuk janë simptoma e vetme e artritit. Në shumë raste mund të shfaqen shenja të tjera shumë para se të fillojnë dhimbjet. Ka me dhjetëra lloje të ndryshme të artritit dhe secili prej tyre lidhet me një sërë simptomash të ndryshme. Gjithashtu, çdo njeri mund ta përjetojë ndryshe sëmundjen e artritit.
Përse nuk duhet t’i injoroni shenjat e para të artritit? Në varësi të llojit të artirit, nëse e kapni herët, mjeku mund t’ju ndihmojë të ndaloni zhvillimin e sëmundjet. Në këtë rast mjeku mund t’ju rekomandojë disa mjekime kundër inflamacionit si dhe të bëni ndryshime në mënyrën e jetesës (dieta luan një rol të rëndësishëm në lehtësimin e dhimbjeve apo përkeqësimin më shumë të tyre).
Cilat janë këto simptoma që nuk kanë lidhje me dhimbjet? Shfletoni galerinë.
Ngurtësimi mëngjesor
Për shumë njerëz, artriti fillon si ndjesi e ngurtësimit të kyçeve. Ata kanë vështirësi në përkuljen ose shtriqen e gjurit apo bërrylit.
Këta persona gjithashtu e kanë të vështirë të lëvizin në njërën anë. Mjeku zakonisht e pyet të sëmurin se si i përdor duart, si vishet, hapat e para, si i mbështet këmbët, a janë të dhimbshme, lëviz lirshëm ose jo.
