Ka ndërruar jetë në moshën 87-vjeçare një nga pionierët e kardiologjisë shqiptare, Ylli Popa.
I lindur në Elbasan, Popa ishte një kardiologët më të famshëm në Shqipëri, akademik dhe një nga intelektualët më me influencë në vend.
Lajmi është bërë i ditur nga Akademia e Shkencave, e cila i shpreh ngushëllimet më të thella familjes së akademik Popës, botës akademike shqiptare e më gjerë, si dhe miqve e kolegëve të tij.
“Pas një gjendjeje të përkeqësuar kronike të shëndetit, u nda nga jeta akademiku Ylli Popa, intelektual i mirënjohur, me veprimtari të shumanshme, të shtrirë në më shumë se gjashtë dekada” bën të ditur Akademia e Shkencave.
Shërbimi si mjek në rrjetin spitalor të vendit dhe mësimdhënia e kërkimi universitar janë dy shtylla paralele mbi të cilat u zhvillua veprimtaria shkencore dhe intelektuale e akademikut Ylli Popa.
Mësohet se ceremonia e Varrimit është sot në orën 17.00. Nisja nga shtëpia e tij: Adresa: Rr. Sami Frashëri, Pallati Nobis, Tiranë./ Shendeti.com.al
