“Në vitin 2013 shpenzimet publike për shëndeëtsinë në Shqipëri arritën në 2,6% të PBB-së, nivel ky më i ulëti ndër vendet e rajonit. Shpenzimet 
nga xhepi përbënin deri në 55% të shpenzimeve totale për shëndetësisnë (më të lartat ndër vendet e rajonit) prejt të cilave 45% u shpenzuan për produkte farmaceutike”.
Kështu deklaron raporti i prezantuar sot nga Banka Botërore në seminarin “Politika Farmaceutike Shqiptare”, ku morën pjesë edhe drejtues të Ministrisë së Shëndetësisë, si ministri Ilir Beqaj, drejtori i përgjithshëm i FSDKSH-së Astrit Beci etj.
“Shpenzimet e ulëta për kujdesin shëndetësor (si shpenzimet totale ashtu dhe shpenzimet publike) përqindja e lartë e shpenzimeve nga xhepi dhe një përqindje mjaft e ulët e popullsisë me sigurime shëndetësore vënë në dukje faktin se Shqipëria historikisht nuk e ka konsideruar prioritet investimin tek kujdesi shëndetësor”, thuhet në raport, teksa vijohet se është e arsyeshme pritshmëria se një pjesë e madhe e shqiptarëve të sëmurë aktualisht nuk diagnostikohen siç duhet dhe nuk marrin terapi të rekomnduar në mënyrë racionale”.
