Përshtati në shqip: Kesilda Gjoka
Pankreasi luan rolin kryesor kur bëhet fjalë për tretjen. Ai është rreth 15 centimetra i gjatë dhe është i vendosur horizontalisht në pjesën e prapme të stomakut, ky organ është përgjegjës për sekretimin e enzimave digjestive të nevojshme për ndarjen e ushqimit dhe asimilimin e lëndëve ushqyese. Gjithashtu, pankreasi prodhon insulinë, hormon ky që rregullon nivelin e sheqernave në gjak.
Për shkak se ky organ është i ndjeshëm ndaj mosfunksionimit dhe kancerit të pankreasit, është e rëndësishme të konsumojmë disa nga ushqimet të cilat janë provuar që kanë shëruar, forcuar dhe ushqyer pankreasin.
Brokoli
Konsumimi i brokolit dhe perimet e të njëjtës familje, si lakra, lulelakra, zarzavatet, lakra jeshile etj, janë të mira për parandalimin e kancerit të pankreasit. Kjo sepse këto perime janë të pasura në squfur, i cili shmang mutacionin dhe përhapjen e shpejtë të qelizave kancerogjene.
Hudhra
Allicin është një përbërës bioaktiv në hudhër, i cili ka veti antioksidues që parandalojnë kancerin dhe inflamacionet e pankreasit.
Rrushi i kuq
Resveratroli i koncentruar në lëkurën e rrushit të kuq është një antioksidues që ruan qelizat e pankreasit nga dëmtimet e plota. Nëse nuk dëshironi të hani një sasi të konsiderueshme të frutit, atëherë mund të konsumoni verën e kuqe nëse nuk vuani nga pankreatiti.
Boronica dhe qershi
Kur flasim për përbërje antioksiduese, boronica dhe qershitë mbajnë kurorën. Konsumimi i tyre ndihmon në shmangien e dëmtimit të qelizave dhe të kancerit me përmbajtjen e antioskiduesve që ndihmojnë në parandalimin e radikaleve të lira nga të këqijat që mund të sjellin.
Patate e ëmbël
Beta-karoten në pataten e ëmbël ndihmon parandalimin e kancerit të pankreasit duke qenë një antioksidues i fuqishëm. Burime të tjera të beta-karoten përfshijnë perime dhe frutat me ngjyra të ndezura siç janë: pjepri, kajsia, karotat, misri dhe kungulli.
Domate
Vitamina C te domatet është një antioksidues që neutralizon radikalet e lira, duke zvogëluar rrezikun e kancerit të pankreasit.
Spinaq
Spinaqi është i pasur me hekur dhe vitaminë B, të cilat janë të nevojshme për shëndetin optimal të pankreasit. Konsumimi i pjesës tjetër të perimeve jeshile siç janë: sallata ajsberg, lakra e zezë, rrepa etj, janë të mira për pankreasin.
Produktet e sojës
Proteina është e nevojshme për ruajtjen e shëndetit të pankreasit. Çfarë është e mirë për produktet e sojës është se janë një burim i proteinave pa përmbajtje yndyrash të cilat shkaktojnë probleme.
Kosi
Konsumimi i kosit jo vetëm që ka një shije të mirë por është një mënyrë mjaftë efektive për të rritur sistemin imunitar dhe parandaluar zhvillimin e infeksioneve në pankreas. Përzgjedhja e kosit jo të ëmbël është faktor plus për një shëndet të mirë.
Burimi: Health Digezt / Shendeti.com.al
