Parlamenti miratoi dje me 83 vota pro, ligjin e ri për barnat, shërbimin farmaceutik dhe pajisjet mjekësore. Ky ligj parashikon që çdo material të 
regjistrohet në Agjencinë Kombëtare të Barnave duke certifikuar cilësinë dhe sigurinë e tij. Ministri e ka cilësuar sistemin e gjurmimit të barnave “track and track” si një hap të rëndësishëm për rregullimin e prodhimit, tregtimit dhe kontrollit të barnave.
Lidhur me shërbimin farmaceutik, ndryshimet ligjore përcaktojnë rritjen e inspektimit dhe mirëfunksionimin e tregut pa prekur liberalizimin.
Në fjalën e tij në parlament ministri iu kundërpërgjigj edhe akuzave që hodhi opozita kundër këtij ligji në takimin që zhvilloi dje në ambientet e Hotel Tirana, me tematikë “300 ditë mjerimi në shëndetësi”.
Ministri i bëri thirrje opozitës që të mendonte se cila ishte situata në të cilën e la shëndetësinë. Gjithashtu theksoi ministri, opozita nuk thotë gjë për mungesën e barnave bazë, si dhe për pajisjet biomjekësore jashtë përdorimit.
