Deputeti i Partisë Demokratike, Tritan Shehu, i cili është mjek në profesion, ka bërë një denoncim në lidhje me gjendjen e Qendrave Shëndetësore në Bashkinë e Libohovës.
Shehu ka publikuar foto nga Qendra Shëndetësore e Nepravishtes, ku duket si një ndërtesë e braktisur.
“Gjendja e sistemit shëndetesor në atë Bashki është katastrofale. Në Libohove kryhet vetëm analiza e urinës. Ne Zagori, Labove etj qendrat shëndetësore të shkatërruara. Mjekja, përgjegjëse për fshtrat, ‘struket’ në qendër të Bashkisë, pavaresisht nevojave të mëdha të popullates diku me larg. Për ta ilustruar çfarë po shkruaj mjafton të publikoj fotot e Qendrës Shendetesore të Nepravishtes, shumë afër zyrës së Kryetares-mjeke kjo. Po pak me larg çfarë do te gjesh- asgjë, vetem braktisje!”, shkruan Shehu në rrjetin social ‘Facebook.
Në fund, ai shton se kjo është Rilindja e Libohovës, që veçse po ndërton fasada, si dhe po keq përdor fondet per Check up- famëkeq e korruptiv.
