Një konflikt mes dy infermiereve ka degraduar në dhunë fizike dhe verbale, ku është dashur ndërhyrja e policisë për të shuar sherrin.
Ngjarja ka ndodhur në qendrën shëndetësore të fshatit Proptisht, në Pogradec. Sipas policisë, ka nisur procedimi penal për njërën nga gratë e përfshira në sherr, 49 vjeçaren me inicialet L.A.
“Kjo e fundit me detyrë infemiere në qendrën shëndetësore të Proptishtit, gjatë një debati pune dyshohet se ka goditur në fytyrë shtetasen S.L, 57 vjeçe, banuese në Proptisht, edhe kjo me detyrë infermiere pranë kësaj qendre” thotë policia.
Shkaqet se përse konflikti mes dy infermiereve degradoi në sherr me grushta ende janë të paqarta.
Burimi: Lapsi.al
