Nga okulistja Suzana Zhuka
Kemi jo vetëm syze dielli për verë, por edhe syze dimri. Alpinistët i përdorin shumë, sepse rrezja e diellit bie mbi borë duke shkaktuar një dëmtim 
në sy. Edhe në stinën e dimrit duhet të përdoren syzet e diellit. Shumica e fëmijëve, gjimnazistëve, studentëve vuajnë nga anomali të ndryshme si miopia, hipermetropia etj. Duke qenë se kanë defekte dhe mbajnë syze optike, e kanë të sikletshme që të ikin në plazh dhe t’i mbajnë ato. Përveç kësaj mbajtja e tyre në plazh është e dëmshme, sepse rrezet e diellit përthyhen edhe më shumë dhe shkojnë direkt në xhamin optik të syzeve.
Çfarë ndodh?
Ndodh që edhe ky problem është zgjidhur. Është zgjidhur duke bërë syzen origjinale me numrin që ka pacienti me defektin e fraksionit por me ngjyrë dhe me elementet e sigurisë. Bëhet syzja e diellit optike. Është një gjë që pacienti të ndihet rehat dhe shmang edhe komplekset. Sepse janë syze dielli dhe optike. Kjo është një gjë shumë e mirë, sepse në periudhën që fëmija bën plazh, mbron sytë.
Kemi dhe fëmijë që vuajnë nga albinizmi. Është i lindur. Kemi mungesën e pigmentit të melaninës. Mungesa e pigmentit të melaninës bën që të kenë fotofobi. Të mos durojnë dot dritën. Kjo i bën ata që të rrinë tërë kohës me sy të mbyllur, ndaj e kanë të detyrueshme që të përdorin syzet e diellit me numrat që duhen.
