Situata e fruthit në Shqipëri vazhdon të përkeqësohet dita ditës. ISHP informon se për vitin 2019 numri i të prekurve me fruth është 91 raste (pozitive). Më 5 shkurt të këtij viti ISHP informoi që janë 51 raste të konfirmuar me fruth, ndërkohë që për vetëm 2 javë 41 individë të tjerë janë infektuar me fruth, duke shkuar ky numër në 91.
Ndonëse sipas Instituti i Shëndetit Publik vazhdon vaksinimi sipas kalendarit kombëtar të vaksinimit, vihet re se numri i rasteve të prekur nga fruthi është në rritje, e konfirmuar kjo nga vetë ISHP.
Sipas të dhënave të ISHP, grupmosha më e prekur është nën 2 vjeç. Tirana ka numrin më të lartë të rasteve 55 raste (60.4%), Lezha 10 raste (11%), Durrësi 7 raste (8%).
ISHP bën me dije se për shkak se kjo periudhë e vitit sjell rritje të numrit të rasteve të infeksioneve respiratore dhe gripit, bëhet akoma më i rëndësishëm vaksinimi, për të parandaluar përhapjen e fruthit./ Shendeti.com.al
