Pas një incidenti të ndodhur një ditë më parë në Spitalin Rajonal të Lezhës, ku një mjek është dhunuar fizikisht, mjekë të njohur të këtij spitali kanë protestuar kundër dhunës së ushtruar ndaj mjekëve.
Në shenjë solidariteti ndaj mjekut Zef Doda kolegët e tij dhe stafi i spitalit kanë kërkuar që ngjarje të tilla të dënohen e të mos ndodhin më. Madje ata kërkojnë që brenda ambienteve të spitalit të ketë prezencë të policisë.
Mjeku Zef Doda u godit brenda ambienteve të spitalit të Lezhës nga një pacient. Mjeku ka pësuar fraktura në fytyrë dhe i është nënshtruar ekzaminimeve të nevojshme.
