Pas ngjarjes tragjike, ndodhur në Tiranë, ku humbën jetën dy punëtorë dhe tre mbetën të plagosur, një grup të rinjsh, studentë kanë protestuar ditën e djeshme para Inspektoratit të Punës. Me pankartën “Inspektorati i Shfrytëzimit të Punëtorëve” dhe thirrjet: “A e keni marrë haraçin e radhës”, të rinjtë qëndruan për rreth një orë para derës së këtij institucioni.
Aksidenti i së premtes me punëtorët e ndërtimit është një rast i përsëritur nga mungesa e sigurisë në punë, ku janë shënuar edhe viktima. Nga 195 raste aksidentesh në punë gjatë 2018 humbën jetën 27 punëtorë. Viktima janë shënuar edhe në 2019. Vetëm gjatë periudhës janar – mars 2019, në 42 aksidente të ndodhura, 13 prej tyre kanë rezultuar fatale për jetën e punëmarrësve.
