10 nxënës të shkollës së mesme në njësinë administrative të Shupenzës në Dibër janë paraqitur në spital me shenja helmimi.
Një helikopter është nisur nga Tirana për të marrë dy prej nxënësve të gjimnazit. Të rinjtë do të marrin mjekim më të specializuar në spitalin e traumës në kryeqytet. Tetë nxënësit e tjerë ndodhen në spitalin e Bulqizës dhe të Peshkopisë.
Jashtë kamerave, nxënësit shprehen se ishin në pushimin e gjatë dhe kur u futën në klasë ndjenë aromën e një parfumi.
Nga të dhënat paraprake dhe jo zyrtare dyshohet se brenda ambienteve të shkollës është përdorur një spraj, çka ka shkaktuar probleme te disa nxënës.
