Shqipëria vijon të renditet ndër vendet me intesitet të lartë të përhapjes së virusit të gripit. Sipas Organizatës Botërore të Shëndetësisë, vendi ynë klasifikohet me ngjyrë të kuqe për përhapjen e këtij virusi , njësoj si Italia dhe Greqia.
Në qarkullim vijojnë të jenë dy viruset e gripit, ai i tipit A dhe ai i tipit B.
Burime nga Instituti i Shëndetit Publik bëjnë me dije se vetëm javën që lamë pas numërohen mbi 400 persona të prekur nga virusi i gripit. Prej të cilëve 60% e tyre janë me virusin e gripit A dhe 40 mostra të analizuara rezultojnë me virusin e gripit të tipit B.
Por asnjë prej tyre nuk paraqitet në gjendje të rëndë.
Bluzat e bardha thonë se kjo është një situatë normale dhe e zakonshme për stinën, por rekomandojnë vaksinimin për kategoritë me risk. Mbi 80 mijë doza te vendosura në dispozicion për popullatën kanë filluar injektimin prej muajit nëntor. Vitin e kaluar 5 persona humbën jetën si pasoje gripit.
Burimi: Tv Klan
