Një studente e ardhur nga Kina 10 ditë më parë është shtruar tek infektivi në Tiranë.
Fillimisht u dyshua për koronavirus, pasi studentja kishte pasur temperaturë. Por sipas mjekëve ajo nuk ka koronavirus dhe do të dalë nga spitali shumë shpejt. Studentja qëndron në një dhomë të infektivit në QSUT dhe ka grip të thjeshtë.
Këtë e kanë konfirmuar dhe Instituti i Shëndetit Publik (ISHP) dhe Ministria e Shëndetësisë dhe Mbrojtjes Sociale. Pas analizave të bëra pas marrjes së kampionit të gjakut, studentja rezultoi negative për koronavirus dhe kishte grip të tipit B.
