Përshtati në shqip: Arlinda Rexhmati
Qeveria Italiane deklaroi se ka bllokuar të gjitha lëvizjet ajrore mes Italisë dhe Kinës dhe shpalli gjendjen e emergjencës në vend pasi mjekët konfirmuan tre raste me koronavirus, dy turistë kinezë në Romë dhe një punonjës i hotelit ku ata kishin qendruar.
Gjendja e shpallur e emergjencës parashikohet të zgjasë për 6 muaj.
Ndërkohë, Ministria e Shëndetësisë në Itali njofton se turistët kinezë po udhëtonin me një grup personash të tjerë, të cilët po testohen gjithashtu nëse janë apo jo të infektuar nga virusi.
“Mendoj se jemi vendi i parë në Europë që po merr këto masa. Kam besim se do të arrijmë ta kontrollojmë situatën,” u shpreh në një konferencë për shtyp, kryeministri i Italisë, Giuseppe Conte.
Burimi: Reuters
