Në një postim në rrjetin e saj social Facebook, Ministrja e Arsimit Besa Shahini u shpreh se çdo ditë nëpër shkolla, mësuesit po orientojnë nxënësit se si të parandalojnë përhapjen e viruseve duke u bazuar në rekomandimet e Ministrisë së Shëndetësisë dhe Mbrojtjes Sociale.
“Deri tani nuk ka asnjë rast të koronavirusit në Shqipëri. Por, edhe nëse do të ketë në të ardhmen, jemi plotësisht gati ta përballojmë bashkërisht,” vazhdoi më tej ministrja.
Postimi i plotë:
Çdo ditë nëpër shkolla, mësuesit kanë orientuar nxënësit se si të parandalojnë përhapjen e viruseve duke u bazuar në rekomandimet më të mira të Ministria e Shëndetësisë dhe Mbrojtjes Sociale.
- Larja e shpeshtë e duarve është masa kryesore që mund të ndërmerret;
- Maskat janë të panevojshme kur nuk ka simptomë gripale;
- Antibiotikët nuk duhet të merren pa rekomandimin e mjekut.
Deri tani nuk ka asnjë rast të koronavirusit në Shqipëri. Por, edhe nëse do të ketë në të ardhmen, jemi plotësisht gati ta përballojmë bashkërisht
