Ambasada Amerikane në Tiranë ka reaguar pas situatës së krijuar në vend nga koronavirusi.
Në një deklaratë për shtyp, ambasada thotë që të gjithë duhet të jenë të bashkuar në luftën kundër koronavirusit.
“Në këtë drejtim, edhe Ambasada do të zbatojë masat mbrojtëse bazë ndaj COVID-19 të rekomanduara nga OBSH-ja, përfshirë mbajtjen e largësisë midis personave dhe masa të rritura personale higjenike, si larja e shpeshtë e duarve. Do të vijojmë të mbështesim përpjekjet e qeverisë së Shqipërisë për të udhëhequr një përgjigje të bashkërenduar dhe transparente, e cila i mban të gjithë njerëzit në Shqipëri sa më të sigurtë, të shëndetshëm dhe të informuar që të jetë e mundur”, thuhet në deklaratë.
