Dy nga pesë të infektuarit me koronavirus që u zbuluan gjatë 24 orëve të fundit janë nga Kavaja.
Sipas burimeve të Abcnews.al bëhet fjalë për një 80 vjeçar nga qyteti i Kavajës dhe një 41 vjeçar nga një fshat aty pranë.
Mësohet se të dy ata kanë qenë në Itali dhe janë kthyer disa ditë më parë.
Pas kthimit ata ishin vetëkarantinuar por ditët e fundit kanë patur probleme shëndetësore.
Nisur nga situata e krijuar, ata kanë telefonuar numrin 127 duke kërkuar ndihmë.
ISHP u ka bërë testin duke konstatuar se ishin pozitivë. Dy burrat ndodhen tani në Infektiv.
