Në mungesë të një regjistri zyrtar, por edhe të një promocioni me pikatore për sëmundjet e kancerit, studentët e Universitetit të Mjekësisë me shumë pak mbështetje financiare kanë ndërrmarrë një fushatë për të identifikuar të gjithë ata që vuajnë nga kjo sëmundje vdekjeprurëse.
Grupet e studentëve do të ndahen në të gjitha qarqet e vendit dhe qëllim është që këto informacione të shkojnë edhe në zonat rurale, ku ka më pak akses.
Pyetësorët online do të shërbejnë për shqiptarët të cilët janë diagnostikuar me kancer, por kurohen jashtë vendit, për të parë në këtë mënyrë shkallën e sëmundshmërisë.
Të dhënat do t’i dorëzohen Universitetit të Mjekësisë dhe shërbimit të Onkologjisë në QSUT./ Manjola Hasa
