Organizata Botërore e Shëndetësisë (OBSH) deklaron se gjatë muajve të ardhshëm do të testohen disa vaksina të reja për parandalimin e virusit Ebola.
Marie Paule Kieny, zyrtare e lartë në OBSH, tha se në janar do të testohen dy vaksina të reja në mbi 20 000 punonjës të shëndetit, si dhe të tjerë në vendet e Afrikës Perëndimore, të cilat janë prekur më së shumti nga sëmundja.
Ndërkaq, tri vaksina të tjera do të testohen jashtë zonës së shpërthimit në fillim të vitit 2015.
Shpërthimi i Ebolës ka vrarë mbi 4500 njerëz këtë vit, shumica e tyre në Guine, Liberi dhe Siera Leone.
