Në një njoftim zyrtar Urdhri i Mjekëve reagon lidhur me datat e provimit për mjekësi të përgjithshme dhe stomatologji, duke u shprehur se vendosja e datave është përgjegjësi e Agjencisë Kombëtare të Provimeve, dhe jo e urdhrit.
“Urdhri i Mjekëve në bazë të ligjit “Për Profesionet e Rregulluara në Republikën e Shqipërisë” ka të drejtë të bëjë regjistrimin provizor të mjekëve/stomatologëve të sapodiplomuar, mbikëqyr praktikën profesionale, bën regjistrimin zyrtar për t’u futur në provimin e Shtetit.
“Në lidhje me organizimin, datat, oraret e Provimit të Shtetit është përgjegjësi vetëm e Ministrisë së Arsimit dhe e Sporteve, konkretisht Agjencia Kombëtare e Provimeve www.akp.gov.al.
“Në momentin që Urdhri i Mjekëve dërgon listen zyrtare me emrat në këtë agjenci, është vetëm kjo agjenci që në faqen e vet zyrtare publikon listat dhe përcakton datën dhe orën e provimit.
“Për momentin Urdhri i Mjekëve të Shqiperise nuk ka akoma një njoftim zyrtar se kur do të zhvillohet ky provim.”
