Mark Brunga
Përdorimi i viagrës pa kriter duke qenë i sëmurë me diabet i ka kushtuar jetën një tregtari nga Tirana. Sipas njoftimeve të policisë, një 53-vjeçar ka humbur 
jetën në një hotel në Tiranë, teksa ka qenë duke bërë seks me të dashurën e tij. Ngjarja ka ndodhur në një hotel në Laprakë. Sipas njoftimeve 53-vjeçari me inicialet E.E, pronari i një kompanie tregtimi mallrash, mendohet se ka humbur jetën për shkak të përdorimit të viagrës.
Policia ka bërë me dije se tregtari kishte marre me një dhomë hoteli, kur kishte qënë në shoqërinë e të dashurën e vet. Por, pas një ore e dashura e tij është parë që të largohet e frikësuar nga hoteli. Të nesërmen, ai është gjetur nga personeli i shërbimit të hotelit i vdekur në dhomën që kishte rezervuar.
Versioni zyrtar i policisë është se vdekja e tregtarit ka ndodhur për arsye natyrore. Gjatë hetimeve është identifikuar edhe e dashura e tij, e cila ka deklaruar në polici se u largua nga dhoma, pasi u tremb nga gjendja e viktimës. Viktima, sipas familjarëve të tij, vuante nga diabeti.
Në numrin e fundit të gazetës “Shëndet+” (22 dhjetor 2014), mjeku Evin Dani ka shpjeguar edhe rastet kur duhet dhe nuk duhet përdorur viagra dhe se ajo duhet marrë gjithnjë me rekomandimin e mjekut.
