Rënie e fortë e flokëve ose flokë të brishtë dhe të dobët
Rënia e flokëve është shpesh një nga shenjat e para të mungesës së hekurit përpara se të shfaqen simptoma të tjera tipike.
Lodhje
Nëse jeni vazhdimisht të lodhur dhe të rraskapitur, pavarësisht se flini mjaftueshëm, kjo mund të jetë një shenjë e mungesës së hekurit. Arsyeja është se qelizat janë më pak të furnizuara me oksigjen.
Lëkurë të zbehtë
Mungesa e hekurit mund të shfaqet edhe në fytyrë duke pasur lëkurë të zbehtë. Veçanërisht kur lëkura juaj është më e zbehtë se zakonisht. Arsyeja është se ka më pak qeliza gjaku dhe kjo e bën lëkurën të duket më e zbehtë.
Dhimbje koke
Përveç harresës dhe problemeve të përqendrimit, dhimbjet e kokës janë një tjetër shenjë e mungesës së hekurit.
Marramendje
Për shkak të mungesës së hekurit, trupi furnizohet më pak me oksigjen, si pasojë mund të keni shpesh marramendje kur jeni në lëvizje.
Pulsi i lartë
Me mungesë hekuri, trupi ka vështirësi të furnizojë të gjitha qelizat me oksigjen të mjaftueshëm. Ai këtë përpiqet ta kompensojë me një rrahje zemre më të shpejtë. Ju e ndjeni këtë si një puls më të lartë apo edhe duke pasur rrahje zemre më të shpejtë dhe të fortë.
Rritja e ndjeshmërisë ndaj infeksioneve
Nëse ftoheni shpesh dhe e ndjeni veten që keni shëndet të dobët, kjo mund të jetë për shkak të mungesës së hekurit. Sepse hekuri luan një rol të rëndësishëm në mbrojtjen kundër patogjenëve dhe funksionin e sistemit imunitar.
Përshtati në Shqip: Marsida Bregasi, Burimi: https://www.gesundheitsfakten.net
