Poliklinika e Specialiteteve nr. 3 në Tiranë ka pezulluar shumicën e punëve të saj sot për shkak të mungesës së energjisë elektrike. Laboratorët dhe aparaturat 
nuk funksionojnë dhe si rrjedhojë kanë mbetur në punë vetëm mjekët që kryejnë vizita të thjeshta.
Ulja e temperaturave ka sjellë probleme të mëdha në këtë poliklinikë ndërkohë që për më tepër, mjekët nuk kanë as se si të ngrohen.
E pyetur lidhur me këtë mungesë të energjisë elektrike, drejtuesja e kësaj poliklinike thotë se janë lajmëruar që në mëngjes se ka një defekt dhe se specialistët do ta rregullonin, por deri në këtë orë asgjë nuk është rregulluar.
Marrë parasysh problemet që sjell stina e dimrit, sidomos ulja e temperaturave të këtyre ditëve, mungesa e energjisë elektrike është tepër problematike teksa pengon njerëzit që të marrin shërbimin shëndetësor ashtu siç duhet, të drejtë që e kanë me ligj.
