Nuk duron dot t’i dëgjosh të tjerët në kinema kur hanë kokoshka apo patatina? A të zemëron personi pranë teje në autobus që po përtyp çamçakëz, deri në atë pikë sa ndërron vendin? Atëherë ndoshta vuani nga kjo gjendje.
Fenomeni, të cilin komuniteti shkencor tani e ka përcaktuar si mizofoni (një çrregullim i ndjeshmërisë ndaj tingujve), përshkruhet si shqetësimi që një person ndjen nga përmbajtja, në vend të intensitetit, e tingujve të tillë si gërhitja ose hapja e gojës.
Megjithatë, këto tinguj nuk janë vetëm bezdisës, por krijojnë edhe një reagim “lufto ose ik” tek individi, ndërsa në përgjithësi individi mund të tronditet emocionalisht dhe të tërhiqet nga mjedisi i tij shoqëror.
Shpesh njerëzit me mizofoni ndihen keq për veten që reagojnë në këtë mënyrë, veçanërisht kur u përgjigjen tingujve të bërë nga të dashurit.
