Ndjenja e urisë mund t’ju kaplojë çdo 2-3 orë, periudhë kjo që stomaku kërkon që të ketë ushqim që të kryejë funksionin e tij. Disa persona ndihen të uritur menjëherë pasi kanë ngrënë dhe ka gjasa që ky fenomen të jetë psikologjik. Këtu do të rendisim disa arsye se pse ndiheni të uritur gjatë gjithë kohës. Ajo çfarë duhet të bëni është të mposhtni urinë e tepruar dhe të filloni një dietë të shëndetëshme dhe të ushqeheni në mënyrë të moderuar.
- Alkooli
Një gotë verë ose birrë e shoqëruar me drekën ose darkën do të kontribuojë në urinë tuaj. Hulumtimet tregojnë se pirja e alkoolit mund të rrisë praninë e hormoneve “gherelin” të cilat shkaktojnë ndjenjën e urisë.
- Ngrënia shpejt
Ushqimi do kohën e vet që të përtypet dhe më pas të përpunohet. Kur hani shpejt dhe nuk e përtypni mirë ushqimin, atëherë ka gjasa të mos e mposhtni ndjenjën e urisë dhe të ushqeheni më shumë seç duhet.
- Mënjanimi i gjumit
Në rastet kur nuk flini mjaftueshëm, trupi e bën të vështirë prodhimin e hormonit leptin, i cili është përgjegjës për trupin që të ndihet i plotë. Privimi nga gjumi çon në rritje të urisë dhe stimulon një pjesë të trurit që është përgjegjëse për njohjen e ushqimit si një burim kënaqësie.
- Shmangia e mëngjesit
Mëngjesi është vakti më kryesor dhe s’duhet mënjanuar asnjëherë sepse sjell një sërë pasojash negative si: ngadalësimi i metabolizmit, shkakton uri gjatë gjithë ditës dhe stimulon trupin në ruajtjen e ushqimit në vend që ta djegë atë.
- Stresi
Shumë njerëz mundohen ta mënjanojnë ndjenjën e stresit duke ngrënë edhe pa qenë të uritur. Kjo gjë ka efekte negative për shkakun se ngrënia në mënyrë të tepruar në këto raste do të shkaktojnë ndjenjën e të ngrënit më shumë, ankthe të mëtejshme dhe shtim në peshë.
- Dehidratimi
Ndodh shpesh që disa njerëz e përcaktojnë ndjenjën e etjes si uri. Kjo ndodh në ato raste kur një person është i dehidratuar në mënyrë kronike.
- Çamçakëzi
Çamçakëzi është një faktor tjetër që ju shton ndjenjën e urisë. Kur përtypni çamçakëz, prodhohet më shumë pështymë dhe kjo rrit ndjenjën e urisë.
Përshtati në shqip për “Shëndet+”: Daniela Bardhi
