Blertina Koka / Shendeti.com.al
Gazetarja Fiori Dardha ka bërë një bërë rrëfim prekës në muajin e sensibilizimit kundër kancerit të gjirit. Nëpërmjet një statusi në Instagram, Fiori rrëfen se i është dashur të përballojë vuajtjet që shkakton kjo sëmundje vdekjeprurëse, pasi një pjesëtare e familjes së saj është prekur nga kanceri i gjirit.
“E njoh mirë këtë dreq sëmundje! E di mirë se si të rrënon, jo vetëm fizikisht! E njoh vuajtjen që të shkakton! E di se si ta turbullon jetën!” shkruan gazetarja në faqen e saj zyrtare në Instagram.
Fiori rrëfen se përballja me këtë sëmundje ka bërë që të mësojë të gjitha ekzaminimet, protokollin e mjekimit, llojet e kimioterapisë, seancat e radioterapisë, intensitetin e dhimbjeve, pafuqinë që ndjen gjate terapisë, stresin që përjeton!
Pak ditë më parë ajo postoi një foto me stafin e mjekëve të Onkologjikut, ku u shprehte mirënjohjen për punën që kanë bërë për shërimin e nënës së saj.
“Sot familja ime mori notën e një provimi shumë të rëndësishëm: provimit të jetës! Falë punës së palodhur, përkushtimit e dashamirësisë së këtyre mjekëve, mamaja ime fitoi një luftë të madhe! Mirënjohje pafund për mjekët, infermieret, menaxherët e gjithë stafin e këtij spitali!” shkruan ajo.
Gazetarja u bën gjithashtu thirrje grave të tjera që të mos i neglizhojnë kontrollet tek mjeku dhe të kujdesen për jetën e tyre, pasi është e vetmja mënyrë për t’u shpëtuar sëmundjeve vdekjeprurëse.
“Ta konstatosh në kohë kancerin e gjirit është fitorja më e madhe! Mos i neglizhoni kontrollet!
Kujdesuni për jetët tuaja!” shkruan Fiori.
Lexoni shkrimin e saj të plotë:
https://www.instagram.com/p/BLOgPHAAsUX/?taken-by=fioridardha
