Përshtati në shqip për gazetën “Shëndet+”: Daniela Bardhi
Që në kohët e lashta e në mesjetë rozmarina është përsorur si një bimë medicinale. Paracelsus, një mjek gjerman, përkrahës i fortë i mjekësisë bimore e konsideroi rozmarinën dhe vajin esencial të saj si një medikament të çmuar për trajtimin e disa sëmundjeve. Vaji i rozmarinës është përdorur për mijëra vjet si mjet efektiv për të përmirësuar kujtesën, për të lehtësuar tretjen, për të lehtësuar dhimbjet e muskujve etj. Ky vaj është konsideruar “i shenjtë” nga grekët e lashtë, romakët, egjiptianët dhe hebrenjtë.
Sipas hulumtimeve thuhet se vaji i rozmarinës mund të shërojë indet neurologjike dhe funksionin e trurit. Rozmarina përmban një lëndë kimike të quajtur karnosol, element i cili është i njohur për vetitë e tij anti-kancerogjene dhe anti-inflamatore. Karnasoli është një element shumë i mirë dhe efektiv në trajtimin e kancerit të prostatës, gjirit, lëkurës, leukemisë dhe zorrës së trashë.
Përveç këtyre vaji i rozmarinës është shumë efektiv edhe për:
Rritjen e flokëve: në 150ml shampo shtoni 10 pika vaj esencial rozmarine dhe lajeni kokën si normalisht. Kjo mënyrë do të ndalojë rënien e flokëve, do të trajtojë lëkurën e kokës dhe do të promovojë rritjen e flokëve në mënyrë të shëndetshme.
Përmirësimin e kujtesës: dijetarët grekë e kanë përdorur rozmarinën për të përmirësuar kujtesën në rastet kur kishin provime. Vaji i rozmarinës përmirëson ndjeshëm performancën dhe cilësinë e përgjithshme të kujtesës dhe rrit vigjilencën, kjo gjë mund të arrihet nëpërmjet aromaterapisë.
Detoksifikon mëlçinë dhe përmirëson funksionin e tëmthit: rozmarina nxit thithjen e lëndëve ushqyese dhe parandalon mbikarkesën toksike në këto organe.
Ul nivelin e kortizolit: një studim japonez ka treguar se vaji i rozmarinës zvogëlon nivelet e kortizolit dhe mbron trupin nga sëmundjet kronike për shkak të stresit oksidativ.
Ju mund ta përdorni vajin e rozmarinës në gatime të ndryshme, duke shtuar vetëm 3-4 pika ose përmes metodës së aromaterapisë. / www.shendeti.com.al / Burimi: naturalnews.com /
