Jam një burrë 47 vjeç dhe kam gati 3 vjet që kam probleme me hipertensionin dhe trajtohem me ilaçe për tensionin. Doja të dija nëse është e vërtetë që gjatë stinës së verës mundtë reduktojnë dozën e medikamenteve që përdorin?
- HALIMI
- Për shqetësimin tuaj kemi pyetur mjekun kardiolog Valer Manushi:
“Së pari do të thosha se është e vërtetë që në stinën e verës, hipertonikët mund të këshillohen të ulin dozën e mjekimit. Por kjo ndodh vetëm nëse eliminohen faktorët shpërthyes të hipertensionit apo të acarimit të kuadrit klinik të tyre: dielli, vapa, regjimi ushqimor i papërshtatshëm, me yndyrna, alkool,etj”.
