Nga mjekja Silvana Çeliku
Higjiena është baza. Higjiena e femrës në përgjithësi dhe higjiena seksuale janë të lidhura shumë me njëra-tjetrën. Higjiena lidhet me gjirin dhe me të gjitha organet e tjera gjinore të femrës.
Po të shikosh në statistika, kudo në botë, por edhe në vendin tonë, kanceri i qafës së mitrës është konsideruar sëmundje e shtresave të ulta të shoqërisë. Shtresa që kanë një nivel të ulët higjieno-sanitar, që kanë të ardhura të pakta. Në të kundërt, kanceri i gjirit është sëmundje e shtresave të larta. Pasi ndikon tepër mbiushyerja etj.
Kanceri i qafës së mitrës ka qenë dominues në zona jo të zhvilluara. Kështu Papiloma Virus, që është edhe virusi shkaktar i kancerit të qafës së mitrës, duhet të gjejë edhe disa faktorë të tjerë ndihmës që të ngrejë kokë. Dhe një nga këta faktorë është edhe higjiena personale seksuale. Sot shikojmë që, fatkeqësisht, janë shfaqur infeksione që për shumë kohë u zhdukën. Baza është higjiena personale.
