Përshtati në shqip për “Shendeti.com.al”: Blertina Koka
Modelja 20 vjeçare ka probleme me shëndetin. Ajo ka rrëfyer se vuan nga një sëmundje misterioze që i shkakton shpesh paralizë. Në një video për “Keeping Up with Kardashians”, Kendall rrëfen se paralizohet shpesh natën dhe nuk e di pse i ndodh një gjë e tillë.
“Ngrihem në mes të natës dhe nuk lëviz dot”, tregon ajo për kamerat. Më pas merr nënën e saj në telefon dhe i tregon për shqetësimin.
Nëna e saj Kris i thotë: “Mendoj se ke thjesht ankth”.
Por modelja insiston: “Të gjithë më thonë jam mirë, por unë nuk ndihem mirë”.
“Kam shumë frikë për shkak të paralizës. Kam shumë frikë të fle sepse ajo më ndodh vazhdimisht. Duket sikur më ndalon zemra”, i thotë Kendall nënës së saj.
Disa fansa e kanë sugjeruar që të bëjë një vizitë, ndërsa ka pasur të tjerë që i kanë thënë se mund të jetë “paralizë gjumi”.
Kendall ka qenë edhe më parë e shtruar në spital për shkak të lodhjes.
Burimi: The Sun / https://shendeti.com.al/
