Përshtati në shqip për gazetën “Shëndet+”: Daniela Bardhi
Hormonet janë thelbësore për funksionin e duhur të trupit. Çdo çekuilibër hormonal mund të ndikojë në funksionet e trupit, kështu që është mirë që t’i mbani hormonet nën kontroll në mënyrë që të përmirësoni shëndetin e përgjithshëm të trupit e të organeve.
Një nga gjendrat më të mëdha endokrine në trup është gjendra tiroide, e cila ndodhet në pjesën e përparme të qafës dhe ndikon në funksione të shumta të trupit. Gjendra tioride sekreton hormonet tiroide, të cilat kontrollojnë normën metabolike në trup. Kjo gjendër sekreton 2 hormone tiroide kryesore, T3 (triodotironine) dhe T4 (tiroksine). Përveç rregullimit të normës metabolike në trup, hormonet tiroide marrin pjesë dhe në funksione të tjera trupore përfshirë këtu normën e rrahjeve të zemrës dhe funksionin tretës. Kjo gjendër fillon të humbasë funksionin e saj të duhur ose kur bëhet tepër aktive dhe sekreton më tepër hormone tiroide ose kur ajo e ngadalëson proçesin dhe prodhon më pak hormone seç duhet. Nëse tiroidja fillon të sekretojë më shumë seç duhet hormone, ajo krijon gjendjen e quajtur hipertiroizëm.
Mosfunksionimi siç duhet i gjendrës tiroide mund të ndikojë në disa mënyra në trup. Dy më të zakonshmet janë:
- Ajo ndikon në cilësinë e lëkurës, e bën atë më të ndjeshme edhe ndaj prekjeve të lehta
- Ndikonë në peshë, ju bën të humbisni apo të fitoni peshë në mënyrë të konsiderueshme, në varësi të gjendjes që jeni
Sipas Ashtia Gupta, endokrinologe, në spitalin Roosevelt në Nju Jork, sasia e madhe e sekretimit të gjendres tiroide në trup mund të shkaktojë nervozizëm apo ankth pa ndonjë arsye të veçantë. / www.shendeti.com.al /Burimi: healthgigezt.com/
