Edlira Sulejmani
Rritet ndjeshëm numri i pacientëve në vend që kanë probleme të shëndetit mendor. Krizat e ankthit, të shoqëruara edhe nga forma të rënda të depresionit vihen re në grupmosha të ndryshme. Mjekët thonë se stresi është faktori kryesor, ndërkohë që në sezonin e nxehtë ky numër pacientësh vjen drejt rritjes.
Arjana Rreli, mjeke psikiatre konfirmon një numër në rritje pacientësh sidomos në stinën e verës.
Përballë kësaj situate, mjekët e qendrave të shëndetit mendor ngrejnë edhe një shqetësim tjetër. Në vend, thonë ata, mungojnë strukturat që merren me rehabilitimin dhe trajtimin e këtyre personave, çka ka bërë që shumë të sëmurë të enden rrugëve dhe mos të marrin shërbimet mjekësore që nevojiten.
Mjekja thotë se shqiptarët ende vazhdojnë ta kenë tabu, vizitën tek mjeku psikiatër, kjo në vecanti për moshat e reja të cilët preferojnë të mos I drejtohen mjekut e për pasojë sëmundja e tyre diagnostikohet në fazat më të rënda, ndonjëherë edhe fatale për jetën.
