Përshtati në shqip për gazetën “Shëndet+”: Blertina Koka
Policia saudite ka arrestuar një burrë pasi qëlloi me armë një gjinekolog, i cili asistoi në lindjen e fëmijës së tij. Mediat saudite bëjnë të ditur se i dyshuari ishte nervozuar se spitali kishte lejuar që një doktor mashkull të trajtonte bashkëshorten e tij gjatë lindjes.
Burri, emri i të cilit nuk është bërë i ditur, thuhet se ishte nxehur sepse doktori kishte parë gruan e tij zhveshur. Ai kishte kërkuar më parë që një gjinekologe të asistonte në lindjen e fëmijës.
Burri e kishte takuar doktorin me pretekstin për ta falënderuar që ndihmoi bashkëshorten në lindjen e fëmijës. Por, pasi e takoi në oborrin e spitalit, burri kishte nxjerrë armën dhe e kishte qëlluar doktorin. Pas gjuajtjes, burri është larguar menjëherë nga vendngjarja, ndërsa doktori ishte në gjendje të rëndë. Ai iu nënshtrua menjëherë një operacioni dhe tani është në gjendje të mirë shëndetësore.
Burimi: Daily Mail / https://shendeti.com.al/
