Jemi shumë afër sezonit veror dhe plazhit, dhe bashkë me to vijnë edhe dhimbjet si pasojë e djegies së lëkurës nga dielli.
Aplikimi i kremit kundra diellit është e vetmja mënyrë që ju mos të përfundoni me rrjepje të lëkurës dhe dhimbje.
Një tjetër mënyrë shumë efikase për trajtimin e djegieve nga dielli, sipas ekspertëve të dermatologjisë, është edhe kompresa me qumësht të ftohtë. Kompresa e ftohtë ndihmon për të lehtësuar inflamacionin duke tkurrur qelizat e ënjtura.
Qumështi përmban vitaminat A dhe D, yndyra, proteina, aminoacide dhe acid laktik. Vitaminat ndihmojnë në lehtësimin e dhimbjeve, ndërsa acidi laktik ndihmon në rrjepjen e lëkurës duke eliminuar qelizat e vdekura.
