Përshëndetje, jam 26 vjeçe. Kam dy fëmijë. Fëmija i vogël është 8 muajsh. Menstruacionet nuk më kanë 
ardhur akoma që prej lindjes. Mirëpo më ka dalë një gungë poshtë në anën e majtë. Ka filluar të rritet shumë. Më dhemb, plus që më jep ethe dhe temperaturë. A është e rrezikshme?
Përgjigjja nga Kozeta Mustafaraj, obstetër-gjinekologe
Mosardhja e ciklit ka të bëjë me ushqyerjen e fëmijës me gji dhe është proces normal. Gjithsesi ju duhet të ruheni gjatë kësaj periudhe për të mos mbetur sërish me barrë. Dalja e gungës duhet parë nga mjeku për të vlerësuar, paraqitjen, vendndodhjen, përmasat. Është e pamundur t’i vihet emri dhe aq më pak të mjekohet pa u vizituar tek mjeku gjinekolog.
