Eriola Çuko
Urdhri i Mjekut do të propozojë vitin e ardhshëm hartimin e një ligji për zhdëmtimin financiar të pacientëve në rastet e gabimeve mjekësore nga ana e mjekëve. “Ne do t’a bëjmë propozimin dhe do të insitojmë për një ligj të ri për zhdëmtim financiar të pacientëve”, tha sot Presidenti i Urdhrit të Mjekut, Dine Abazaj.
“Ne e kemi propozuar disa here, por bërja dhe paraqitja e një ligji nuk është në atributete tona. Urdhri i Mjekut do të insistojë që ky ligj të bëhet, pasi është i domosdoshëm”, theksoi Abazaj, duke shtuar se “qytetarët nuk mjaftohen me ndëshkimin apo mosndëshkimin e mjekut, sepse mjeku mund t’a bëjë dhe nuk ndëshkohet, por qytetari duhet të shpërblehet për dëmin dhe zhdëmtimi i tij mbështetet në daljen e këtij ligji”.
Urdhri i Mjekut e ka propozuar disa herë hartimin e këtij ligji, por sipas Abazajt, ka qenë neglizhencë e Ministrisë së Shëndetësisë mospasja e një ligji të tillë më parë. “Ne do t’a bëjmë propozimin dhe do të insitojmë për një ligj të ri për zhdëmtim financiar të pacientëve”, theksoi Abazaj.
