Më datë 7 Tetor pranë Qendrës Rinore të Tiranës, rrjeti Y-PEER, Albania pjesë e rrjetit Ndërkombëtar Y-PEER, me mbështetjen e UNFPA-së, ACPD-së dhe skuadra “Youth Voice” organizoi një takim me të rinjtë.
Qëllimi i këtij takimi ishte mbështetja e fushatës “Youth Voice” 2014-2015 me të rinj dhe me organizata që bashkëpunojnë në fushën e rinisë, mes të cilave edhe organizata “Together for Life”, duke mundësuar dhe njohjen e të rinjve me 7 Objektivat Globale për një Zhvillim të Qëndrushem informimi për Forumin që do të realizohet me kryetarin e Bashkisë Tiranë, Erion Veliaj.
Ftesës për këtë takim iu përgjigjën 8 organizata rinore, të cilat ishin të gatshme të bëheshin pjesë e skuadrës “Youth Voice”.
Ky aktivitet u ndoq dhe nga përfaqësues nga Ministria e Mirëqenies Sociale dhe Rinisë, Jehona Roka, Specialiste në Drejtorinë e Koordinimit të Politikave Rinore dhe Brisida Sula, specialiste programi nga Shërbimi Kombëtar Rinor. 
