Sipas ekspertëve të shëndetit dhe bukurisë, fytyra zbulon sekretet e stilit të jetesës, nga nivelet e ulëta të hekurit deri tek kequshqyerja.
- Goja dhe mjekra
Vijat rreth gojës: janë shenja e parë e plakjes. Vijat rreth gojës shkaktohen edhe nga pirja e duhanit.
Herpesi në buzë: tregon se keni mungesë të vitaminës B, sistem të ulët imunitar dhe ndonjë infeksion të mundshëm. Përpiquni të ushqeheni me perime jeshile dhe mish.
Buzë të thara: tregojnë dehidratim të brendshëm, mungesë të vitaminës B dhe mungesë hekuri. Në këto raste është shumë i rëndësishëm konsumimi i ujit.
Inflamacion në mjekër: është një ndër shenjat më të sigurta që tregon probleme në sistemin e tretjes dhe zorrët. Kapsllëku është një faktor tjetër që shkakton inflamacion në zonën rreth mjekrës.
- Balli
Linja horizontale mbi ballë: tregojnë probleme që lidhen me tretjen e ushqimit. Në këto raste këshillohet të pini ujë të ngrohtë me limon çdo mëngjes.
Linjë e theksuar në mes të syve: tregon probleme të mëlçisë. Kjo mund të jetë për arsye fizike, mjedisore dhe emocionale. Këto linja tregojnë edhe probleme me alergjinë ndaj ushqimeve.
Puçrra në ballë: tregojnë simptoma të brendshme, të tilla si probleme me mëlçinë dhe stomakun.
- Sytë
Rrathë të zinj poshtë syve: nëse vazhdojnë të jenë të pranishme edhe nëse keni bërë gjumë të rehatshëm dhe nuk jeni të lodhur, atëherë rrathët e errët poshtë syve tregojnë për intolerancë ndaj ushqimeve, probleme me aneminë dhe mungesë të hekurit në gjak.
Njolla të bardha në sy: tregojnë për një bllokim të mundshëm të sistemit limfatik. Në këto raste duhet të shmangni laktozën dhe produktet e qumështit të lopës.
Përshtati në shqip për “Shëndet+”: Daniela Bardhi
